சமந்தா – ராஜ் நிதிமோரு இஷா யோகா மையத்தில் திருமணம்!

நடிகை சமந்தா மற்றும் ‘பேமிலி மேன்’ புகழ் இயக்குநர் ராஜ் நிதிமோரு ஆகியோர் கோயம்புத்தூரில் உள்ள ஈஷா யோகா மையத்தில் திருமணம் செய்து கொண்டதாக தகவல் வெளியாகியுள்ளது!

கடந்த சில மாதங்களாக இணைந்து புகைப்படங்கள் எடுத்துக்கொண்டு வந்த இருவரும் காதலில் இருப்பதாக தகவல்கள் பரவின. அதிகாரப்பூர்வமாக உறுதி செய்யாவிட்டாலும், தற்போது சத்குருவின் ஈஷா மையத்தில் மிக நெருங்கிய நண்பர்கள் மற்றும் குடும்பத்தினர் மட்டுமே பங்கேற்ற மிக எளிமையான திருமணத்தில் மாலை மாற்றிக்கொண்டதாகச் செய்திகள் தெரிவிக்கின்றன.

சமந்தாவுக்கும் ராஜ் நிதிமோருவுக்கும் இது இரண்டாவது திருமணம் என்பது குறிப்பிடத்தக்கது. சமந்தா முன்னதாக நாக சைதன்யாவை 2017-ல் திருமணம் செய்து 2021-ல் விவாகரத்து பெற்றார். அதேபோல் ராஜும் முன்னர் திருமணமாகி விவாகரத்து பெற்றவர்.

திருமணச் செய்தி இணையத்தில் பரவிய சில நிமிடங்களிலேயே #SamRajWedding, #SamanthaWedsRaj போன்ற ஹேஷ்டேகுகள் ட்ரெண்டாகின. ரசிகர்கள் தொடர்ந்து வாழ்த்து மழை பொழிந்து வருகின்றனர்.

இருவரும் இதுவரை அதிகாரப்பூர்வ அறிவிப்பு எதுவும் வெளியிடவில்லை, ஆனால் நெருங்கிய வட்டாரங்கள் “இருவரும் மிகுந்த மகிழ்ச்சியிலும் அமைதியிலும் இருக்கிறார்கள்” எனத் தெரிவித்துள்ளன.

புதுமணத் தம்பதிக்கு இதயம் கனிந்த வாழ்த்துகள்!