யோகி பாபுவின் 300வது படம் – ஃபர்ஸ்ட் லுக் போஸ்டர் வெளியீடு!
தை 3, 2026 Published by anbuselvid8bbe9c60f
நகைச்சுவை நடிகராக தமிழ் சினிமாவில் தனக்கென தனி இடத்தை பிடித்த யோகி பாபு, நீண்ட இடைவெளிக்குப் பிறகு கதாநாயகனாக நடித்துள்ள படம் ‘அர்ஜுனன் பேர் பத்து’. இது அவரது திரைப்பயணத்தில் 300வது படம் என்பதும் குறிப்பிடத்தக்கது. தேவ் சினிமாஸ் நிறுவனம் தயாரிப்பில் உருவாகியுள்ள இப்படத்தின் ஃபர்ஸ்ட் லுக் போஸ்டரை நடிகர் விஜய் சேதுபதி வெளியிட்டுள்ளார்.
அறிமுக இயக்குநர் ராஜ்மோகன் இயக்கியுள்ள இப்படம், பழைய வாகனங்கள் விற்பனையில் நடக்கும் மோசடிகள், அதனால் பாதிக்கப்படும் மக்களின் வலிகள் ஆகியவற்றை மையப்படுத்தியது. மேலும், பழைய வாகனங்கள் வாங்கும் பொதுமக்களுக்கு விழிப்புணர்வு ஏற்படுத்தும் வகையில் உருவாகியுள்ளதாக படக்குழு தெரிவித்துள்ளது.
யோகி பாபுவுக்கு ஜோடியாக அனாமிகா மகி நடித்துள்ளார். இவர்களுடன் காளி வெங்கட், அருள்தாஸ், அயலி மதன், சுப்பிரமணியன் சிவா, மைனா நந்தினி, சவுந்தர்யா, சென்ராயன், ஹலோ கந்தசாமி, பாவா லட்சுமணன், ரஞ்சன் குமார், இயக்குநர் லெனின் பாரதி உள்ளிட்டோர் முக்கிய கதாபாத்திரங்களில் நடித்துள்ளனர்.
படத்தின் முழு படப்பிடிப்பும் சென்னை மற்றும் சுற்றியுள்ள பகுதிகளில் நடைபெற்றுள்ளது. ஒளிப்பதிவு: பிரதீப் காளிராஜா, இசை: இமான், படத்தொகுப்பு: காசி விஸ்வநாதன்.
தற்போது படத்தின் இறுதிக்கட்ட பணிகள் மும்முரமாக நடைபெற்று வருகின்றன. ஃபர்ஸ்ட் லுக் போஸ்டர் ரசிகர்களிடையே நல்ல வரவேற்பை பெற்றுள்ளது.
