தமிழ் சினிமாவின் கிளாசிக் அரசியல் நையாண்டி படமான ‘அமைதிப்படை’ மீண்டும் திரையரங்குகளை அலங்கரிக்க உள்ளது! 1994-ஆம் ஆண்டு மணிவண்ணன் இயக்கத்தில் வெளியான இப்படம், தற்போது தமிழக அரசியல் களம் சூடுபிடித்துள்ள நிலையில் மிகுந்த எதிர்பார்ப்புடன் ரீ-ரிலீஸ் ஆகிறது.
சத்யராஜ் இரட்டை வேடத்தில் (அமாவாசை & தங்கவேல்) நடித்த இப்படத்தில் ரஞ்சிதா, குயிலி, கஸ்தூரி, மணிவண்ணன் உள்ளிட்ட பலர் முக்கிய கதாபாத்திரங்களில் நடித்திருந்தனர். இளையராஜா இசையமைத்த இந்தப் படத்தின் வசனங்கள் இன்றும் தமிழக ரசிகர்களிடையே ட்ரெண்டிங்கில் உள்ளன – “அரசியல் ஆட்டம் ஆரம்பம்”, “புரட்சி தமிழன்” போன்ற டயலாக்கள் இப்போதும் அரசியல் விவாதங்களில் பயன்படுத்தப்படுகின்றன.
தமிழக சட்டமன்றத் தேர்தல் நெருங்கும் இந்த சூழலில், படத்தின் கதை மற்றும் நையாண்டி இன்றைய அரசியல் நிகழ்வுகளுடன் பொருந்திப் போவதால், ரசிகர்களுக்கு மிகுந்த உற்சாகத்தை ஏற்படுத்தியுள்ளது.
ஸ்பேரோ சினிமாஸ் நிறுவனத்தின் கார்த்திக் வெங்கடேசன் இந்த ரீ-ரிலீஸை ஏற்று நடத்தி வருகிறார். 4K தொழில்நுட்பத்தில் மெருகேற்றப்பட்டு, டால்பி ஒலியுடன் திரையரங்குகளில் வெளியாகிறது. தமிழ்நாடு மட்டுமின்றி, ஆந்திரா, தெலங்கானா, கேரளா, கர்நாடகா ஆகிய 5 மாநிலங்களில் 500-க்கும் மேற்பட்ட திரையரங்குகளில் பிரமாண்டமாக வெளியிட திட்டமிடப்பட்டுள்ளது.
புதிய போஸ்டரில் “அரசியல் ஆட்டம் ஆரம்பம்… புரட்சி தமிழன்!” என்று எழுதப்பட்டுள்ளது, இது ரசிகர்களிடையே பெரும் எதிர்பார்ப்பை ஏற்படுத்தியுள்ளது. சமூக வலைதளங்களில் #Amaidhipadai #AmaidhipadaiReRelease #Sathyaraj #Manivannan என்ற ஹேஷ்டேக்குகள் ட்ரெண்ட் ஆகத் தொடங்கியுள்ளன.
32 ஆண்டுகளுக்குப் பிறகு மீண்டும் ரசிகர்களை சிரிக்கவும், சிந்திக்கவும் வைக்கும் இந்த கிளாசிக் படத்தின் ரீ-ரிலீஸ் தமிழ் சினிமா வரலாற்றில் மறக்க முடியாத தருணமாக அமையும் என எதிர்பார்க்கப்படுகிறது.
ரசிகர்களே… தயாராகுங்கள்! அமாவாசை மீண்டும் வருகிறார்… அரசியல் ஆட்டம் தொடங்குகிறது!
சென்னை, செப்டம்பர் 6, 2026: விஜய் சேதுபதி தொகுத்து வழங்கும் பிக் பாஸ் தமிழ் நிகழ்ச்சியின் வரலாற்றுச் சிறப்புமிக்க 10-வது…
சென்னையின் பல்லாவரம் மண்ணில் தொடங்கிய இரு வெற்றிப் பயணங்கள்… இனி வளர்ச்சியை நோக்கி ஒரே பாதையில்! சென்னையைத் தலைமையிடமாகக் கொண்டு…
தமிழ் சினிமாவில் வடிவேலுவின் காம்போவில் வந்து நம்மையெல்லாம் வயிறு குலுங்க சிரிக்க வைத்த மூத்த நகைச்சுவை நடிகர் பாவா லட்சுமணன்…
தி லெஜண்ட்' படத்தின் மூலம் தமிழ் சினிமாவில் நடிகராகவும் தயாரிப்பாளராகவும் அடியெடுத்து வைத்த தொழில்அதிபர் லெஜண்ட் சரவணன்,
தமிழ் திரையுலகின் மூத்த மற்றும் புகழ்பெற்ற குணச்சித்திர நடிகரான வாகை சந்திரசேகருக்கு, மத்திய அரசின் சங்கீத நாடக அகாடமி வழங்கும்…
இசை என்பது வெறும் பாடல்களுக்கோ பின்னணி இசைக்கோ மட்டும் அல்ல, ஒரு கதையின் ஆன்மாவை ரசிகர்களிடம் கொண்டு சேர்க்கும் சக்தி.