8 மாதங்களில் 15 கிலோ எடை குறைத்து அசத்திய கிரேஸ் ஆண்டனி!

2016-ஆம் ஆண்டு வெளியான ‘ஹேப்பி வெட்டிங்’ என்ற படத்தின் மூலம் சினிமாவில் அறிமுகமானவர் கிரேஸ் ஆண்டனி.தமிழில்2022 ஆம் ஆண்டு வெளியான ‘சதுரங்க வேட்டை – 2’ நடித்திருந்தார். அதன்பிறகு ராம் இயக்கத்தில் வெளியான ‘பறந்து போ’ படத்தில் நடித்திருந்தார். தனது உடல் எடையைக் குறைத்து ரசிகர்களை ஆச்சரியப்படுத்தியுள்ளார். வெறும் 8 மாதங்களில் 15 கிலோ வரை எடை குறைத்துள்ள அவர், தற்போது முற்றிலும் மாறுபட்ட தோற்றத்தில் காட்சியளிக்கிறார்.

‘கனியே’ திரைப்படத்துக்குப் பிறகு, கிரேஸ் தனது உடல் எடையைக் குறைக்கத் தீவிரமாக முயற்சி செய்தார். கடுமையான டயட், தினசரி உடற்பயிற்சி, யோகா மற்றும் நீண்ட நடைப் பயிற்சி ஆகியவை அவரது ரகசியமாக இருந்ததாகத் தெரிகிறது. சர்க்கரை, எண்ணெய் அதிகம் உ உணவுகளை முற்றிலும் தவிர்த்து, புரதச்சத்து நிறைந்த உணவுகளையே அதிகம் உட்கொண்டதாக அவர் நெருங்கிய வட்டாரங்கள் தெரிவிக்கின்றன.

இந்த உருமாற்றம் குறித்து கிரேஸ் சமூக வலைதளங்களில் பகிர்ந்த புகைப்படங்கள் வைரலாகி வருகின்றன. “இது எனக்கு புதிய தொடக்கம். உடல் நலனுக்காகவும், மனதுக்கு திருப்திக்காகவும் செய்தேன்” என்று அவர் குறிப்பிட்டுள்ளார்.

தற்போது மிகவும் ஃபிட் ஆன தோற்றத்தில் இருக்கும் கிரேஸ் ஆண்டனி, புதிய திரைப்பட வாய்ப்புகளுக்காகவும் தயாராகி வருகிறார். ரசிகர்கள் அனைவரும் “Supergirl Grace” என்று பாராட்டி வருகின்றனர்!