₹40 கோடி சாட்டிலைட் டீல் முடிச்சாச்சு! ஜனநாயகன் புது ரெக்கார்ட் !

மார்கழி 8, 2025 Published by anbuselvid8bbe9c60f

தளபதி விஜய்யின் கடைசி படத்திற்கு மற்றொரு மாஸிவ் ரெக்கார்ட்!

தளபதி விஜய்யின் நடிப்பில் இறுதியாக வரவிருக்கும் ‘ஜனநாயகன்’ திரைப்படம் 2026 ஜனவரி 9-ஆம் தேதி உலகம் முழுவதும் திரைக்கு வரவுள்ளது. இப்படத்தின் ப்ரீ-பிசினஸ் ஏற்கனவே பட்டையைக் கிளப்பி வரும் நிலையில், தியேட்டர் மட்டும் ரூ.500 கோடிக்கு மேல் வசூலாகியுள்ளதாக தகவல்கள் தெரிவிக்கின்றன.

இந்நிலையில், இதுவரை விற்பனையாகாமல் இருந்த சாட்டிலைட் உரிமையை பிரபல தொலைக்காட்சி நிறுவனமான ஜீ தமிழ் கைப்பற்றியுள்ளதாக உறுதியான தகவல்கள் வெளியாகியுள்ளன.

தகவலின்படி, தமிழக சாட்டிலைட் உரிமையை மட்டும் ரூ.40 கோடிக்கு ஜீ நிறுவனம் வாங்கியுள்ளதாக கூறப்படுகிறது. இது உறுதியானால், தமிழ் சினிமாவில் ஒரு நடிகரின் கடைசிப் படத்திற்கு கிடைத்த மிக உயர்வான சாட்டிலைட் டீல்களில் ஒன்றாக இது அமையும்.