விஜய்யின் 2 சூப்பர்ஹிட் படங்கள் ரீரிலீஸ்.. ‘கில்லி’ போல் வசூலை குவிக்குமா?

தளபதி விஜய் நடித்த ‘கில்லி’, ’சச்சின்’ உள்பட ஒரு சில படங்கள் ஏற்கனவே ரீரிலீஸ் செய்யப்பட்டு, நல்ல வசூலை குவித்த நிலையில், தற்போது மேலும் இரண்டு சூப்பர் ஹிட் படங்கள் ரீ ரிலீஸ்  செய்ய   இருப்பதாக தகவல் வெளியாகியுள்ளன.

பழைய படங்களை கடந்த சில ஆண்டுகளாகவே ரீரிலீஸ் செய்து, மாபெரும் வசூலை பெற்று வரும் நிலையில், தற்போது அடுத்த கட்டமாக விஜய் நடித்த ’குஷி’ மற்றும் ’சிவகாசி’ படங்கள் ரீரிலீஸ் செய்ய இருப்பதாக தகவல் வெளியாகியுள்ளது.

எஸ்.ஜே.சூர்யா இயக்கத்தில், விஜய்–ஜோதிகா நடித்த ’குஷி’ திரைப்படம் கடந்த 2000ஆம் ஆண்டு வெளியாகி நல்ல வரவேற்பை பெற்றது. அதேபோல், 2005ஆம் ஆண்டு வெளியான, விஜய்–அசின் நடிப்பில், பேரரசு இயக்கத்தில் உருவான ’சிவகாசி’ படமும் சூப்பர் ஹிட் வெற்றி பெற்றது.

இந்த இரண்டு படங்களையும் ஏ. எம். ரத்னம் தயாரித்திருந்த நிலையில் தற்போது அவர் இந்த 2 படங்களையும் ரீரிலீஸ் செய்ய திட்டமிட்டுள்ளதாகவும், இன்னும் ஒரு சில நாட்களில் இந்த இரண்டு படங்களின் ரீரிலீஸ் தேதிகள் அதிகாரபூர்வமாக வெளியாகும் என்றும் கூறப்படுகிறது.

ஏற்கனவே ’கில்லி’ படத்தை ரீரிலீஸ் செய்தவர் ஏ. எம். ரத்னம் என்ற நிலையில், அதே போன்ற வசூலை இந்த படங்களும் பெறுமா என்பதை பொறுத்திருந்து பார்ப்போம்.