யாஷின் ‘டாக்ஸிக்’ ரிலீஸ் –அதிகாரப்பூர்வ அறிவிப்பு!
December 9, 2025 Published by anbuselvid8bbe9c60f
கே.ஜி.எஃப் சாம்ராஜ்யத்தை உருவாக்கி பான்-இந்தியா ஸ்டாராக உயர்ந்த ராக்கிங் ஸ்டார் யாஷ் நடிக்கும் அடுத்த மாபெரும் படம் ‘டாக்ஸிக்’ (Toxic). இந்தப் படத்தின் ரிலீஸ் தேதியை இன்று ஹீரோ யாஷ் அதிகாரபூர்வமாக அறிவித்துள்ளார்.
தனது எக்ஸ் (ட்விட்டர்) பக்கத்தில் பிரம்மாண்ட போஸ்டருடன் பதிவிட்ட யாஷ், “TOXIC – A Fairy Tale for Grown-ups 19th March 2026 இன்னும் சரியாக 100 நாட்களில் உங்களைச் சந்திக்கிறது!” என்று கூறியுள்ளார்.
கீது மோகன்தாஸ் இயக்கத்தில், கே.வி.என். புரொடக்ஷன்ஸ் & மான்ஸ்டர் மைண்ட் கிரியேஷன்ஸ் இணைந்து தயாரிக்கும் இப்படத்தில் நயன்தாரா, கியாரா அத்வானி, ஹுமா குரேஷி, ருக்மிணி வசந்த், ஷைனி அஹூஜா உள்ளிட்ட பிரம்மாண்ட நட்சத்திரப் பட்டாளமே நடித்துள்ளனர்.
கே.ஜி.எஃப்-க்கு மேஜிக் செய்த இசையமைப்பாளர் ரவி பசூர்தான் ‘டாக்ஸிக்’-குக்கும் இசையமைக்கிறார்.
‘A Film by Geetu Mohandas’ என்று சிறப்பாகக் குறிப்பிடப்படும் இப்படம் கே.ஜி.எஃப்-ஐ விட பல மடங்கு பெரிய ஸ்கேலில் உருவாகியிருப்பதாகவும், கோவா டிரக் வாரை மையப்படுத்திய கதை என்றும் படக்குழு ஏற்கெனவே தெரிவித்திருந்தது.
இந்தியாவின் மிகவும் எதிர்பார்க்கப்படும் பான்-இந்தியா படங்களில் ஒன்றான ‘டாக்ஸிக்’ இப்போது 2026 மார்ச் 19-ஆம் தேதி உலகம் முழுவதும் திரையரங்குகளில் வெடிக்கத் தயாராக உள்ளது!
ரசிகர்கள் ஏற்கெனவே #100DaysForToxic, #ToxicOnMarch19 என ட்ரெண்ட் செய்து கொண்டாட்டத்தைத் தொடங்கிவிட்டனர்.
ராக்கிங் ஸ்டார் யாஷின் மிரட்டல் அவதாரம் மீண்டும் வருகிறது… Get Ready!
