49 ஆண்டுகால திரைப் பயணம்: ‘HI’ படப்பிடிப்புத் தளத்தில் நடிகை ராதிகா நெகிழ்ச்சி!

தமிழ் திரையுலகில் ‘கிழக்கே போகும் ரயில்’ படத்தின் மூலம் அறிமுகமாகி, இன்றுவரை ரசிகர்களின் மனம் கவர்ந்த நாயகியாகவும், சிறந்த குணச்சித்திர நடிகையாகவும் திகழ்பவர் ராதிகா சரத்குமார். இவர் திரையுலகிற்கு வந்து வெற்றிகரமாக 49 ஆண்டுகளை நிறைவு செய்துள்ளார்.

இந்த அபாரமான சாதனையை அவர் தற்போது நடித்து வரும் ‘HI’ திரைப்படக் குழுவினர் உற்சாகமாகக் கொண்டாடியுள்ளனர்.

சமீபத்தில் நடைபெற்ற ‘HI’ படத்தின் படப்பிடிப்பின் போது, படக்குழுவினர் ராதிகாவிற்கு இன்ப அதிர்ச்சி அளித்தனர். இதற்காகத் தயார் செய்யப்பட்ட சிறப்பு கேக்கை அவர் வெட்ட, படக்குழுவினர் கைதட்டித் தங்களது வாழ்த்துக்களைத் தெரிவித்தனர்.

இந்த விழாவில் படக்குழுவினர் மட்டுமின்றி, சக கலைஞர்களும் ராதிகாவின் அர்ப்பணிப்பையும், அரை நூற்றாண்டை நெருங்கும் அவரது திரை அனுபவத்தையும் பாராட்டிப் பேசினர்.

அறிமுகம் 1978-ல் பாரதிராஜாவின் இயக்கத்தில் வெளியான ‘கிழக்கே போகும் ரயில்’.சினிமா மட்டுமல்லாது, சின்னத்திரையிலும் ‘மெகா சீரியல்’ ராணியாக வலம் வந்தவர்.49 ஆண்டுகளில் ரஜினி, கமல் முதல் இன்றைய தலைமுறை நடிகர்கள் வரை பலருடன் இணைந்து நடித்து, இன்றும் பிசியான நடிகையாகத் தொடர்கிறார்.”சினிமா மீதுள்ள மாறாத காதலும், உழைப்புமே என்னை இத்தனை ஆண்டுகள் நிலைக்கச் செய்துள்ளது” என ராதிகா அடிக்கடி குறிப்பிடுவதுண்டு.

படப்பிடிப்புத் தளத்தில் எடுக்கப்பட்ட இந்தப் புகைப்படங்கள் தற்போது இணையத்தில் வைரலாகி வருகின்றன. ரசிகர்கள் மற்றும் திரையுலகப் பிரபலங்கள் என பலரும், “ஒரு பெண்ணாகத் திரையுலகில் 49 ஆண்டுகள் நிலைத்து நிற்பது சாதாரண விஷயமல்ல” எனப் பாராட்டி வருகின்றனர்.

வாழ்த்துக்கள் ராதிகா சரத்குமார்!