சீனியர் நடிகர் டாக்டர் ராஜசேகர் ஷூட்டிங் ஸ்பாட்டில் ஏற்பட்ட விபத்தில் படுகாயமடைந்த சம்பவம் திரைத்துறையிலும் ரசிகர்களிடையேயும் பெரும் அதிர்ச்சியை ஏற்படுத்தியுள்ளது.
சர்வானந்த் நடிப்பில் உருவாகி வரும் “பைக்கர்” படத்தின் படப்பிடிப்பின் போது இந்த விபத்து நடந்துள்ளது. காட்சியொன்றில் திடீர் விபத்தால் நடிகர் ராஜசேகரின் காலில் பல எலும்புகள் முறிந்துள்ளன.
உடனடியாக மருத்துவமனையில் அனுமதிக்கப்பட்ட அவருக்கு சுமார் 2 மணி நேரம் நீண்ட அறுவை சிகிச்சை செய்யப்பட்டது. தற்போது அவர் ஐ.சி.யூ-வில் தீவிர சிகிச்சை பெற்று வருகிறார். மருத்துவர்கள் அளித்த தகவலின்படி, முழுமையான குணமடைய இன்னும் பல வாரங்கள் தேவைப்படும் என்பதால், அடுத்த சில வாரங்களுக்கு அவர் படப்பிடிப்பில் பங்கேற்க முடியாது என்று தெரிவிக்கப்பட்டுள்ளது.
ராஜசேகர் தற்போது “பைக்கர்” படத்துடன், விஜய் தேவரகொண்டா – கீர்த்தி சுரேஷ் நடிக்கும் பான்-இந்தியா படத்திலும் முக்கிய வில்லன் கதாபாத்திரத்தில் நடித்து வருவது குறிப்பிடத்தக்கது. இந்த இரு படங்களின் படப்பிடிப்பு திட்டமும் தற்காலிகமாக பாதிக்கப்பட்டுள்ளது.
நடிகர் சர்வானந்த், இயக்குநர் சந்தோஷ் ஆகியோர் உடனடியாக மருத்துவமனைக்கு சென்று நலம் விசாரித்தனர். மனைவி ஜீவிதா ராஜசேகர் மற்றும் மகள்கள் ஷிவானி, ஷிவாத்மிகா ஆகியோரும் தொடர்ந்து மருத்துவமனையில் இருந்து வருகின்றனர்.
ரசிகர்கள் அனைவரும் #GetWellSoonRajasekhar என்ற ஹேஷ்டேக்கில் வாழ்த்து செய்திகளை பதிவு செய்து வருகின்றனர்.
விரைவில் முழு உடல் நலத்துடன் திரும்பி வர வேண்டும் என்று நடிகர் ராஜசேகருக்கு தமிழ் & தெலுங்கு திரையுலகமே பிரார்த்தனை செய்கிறது!
சென்னை, செப்டம்பர் 6, 2026: விஜய் சேதுபதி தொகுத்து வழங்கும் பிக் பாஸ் தமிழ் நிகழ்ச்சியின் வரலாற்றுச் சிறப்புமிக்க 10-வது…
சென்னையின் பல்லாவரம் மண்ணில் தொடங்கிய இரு வெற்றிப் பயணங்கள்… இனி வளர்ச்சியை நோக்கி ஒரே பாதையில்! சென்னையைத் தலைமையிடமாகக் கொண்டு…
தமிழ் சினிமாவில் வடிவேலுவின் காம்போவில் வந்து நம்மையெல்லாம் வயிறு குலுங்க சிரிக்க வைத்த மூத்த நகைச்சுவை நடிகர் பாவா லட்சுமணன்…
தி லெஜண்ட்' படத்தின் மூலம் தமிழ் சினிமாவில் நடிகராகவும் தயாரிப்பாளராகவும் அடியெடுத்து வைத்த தொழில்அதிபர் லெஜண்ட் சரவணன்,
தமிழ் திரையுலகின் மூத்த மற்றும் புகழ்பெற்ற குணச்சித்திர நடிகரான வாகை சந்திரசேகருக்கு, மத்திய அரசின் சங்கீத நாடக அகாடமி வழங்கும்…
இசை என்பது வெறும் பாடல்களுக்கோ பின்னணி இசைக்கோ மட்டும் அல்ல, ஒரு கதையின் ஆன்மாவை ரசிகர்களிடம் கொண்டு சேர்க்கும் சக்தி.