இரண்டாவது குழந்தையின் வருகையை அறிவித்த அட்லி-பிரியா தம்பதி
தை 20, 2026 Published by Natarajan Karuppiah
தமிழ் சினிமாவின் முன்னணி இயக்குநர்களில் ஒருவரான அட்லி, தனது தனித்துவமான ஸ்டைல் மற்றும் பிரம்மாண்டமான படங்களின் மூலம் இந்திய அளவில் கவனம் ஈர்த்தவர். தற்போது இவர் தனது தனிப்பட்ட வாழ்க்கையில் ஒரு மகிழ்ச்சியான செய்தியைப் பகிர்ந்துள்ளார். அட்லி மற்றும் அவரது மனைவி பிரியா அட்லி தங்களது இரண்டாவது குழந்தையை எதிர்பார்க்கும் செய்தியை சமூக வலைதளங்கள் வாயிலாக அதிகாரப்பூர்வமாக அறிவித்துள்ளனர்.
தங்களது குடும்பத்தில் புதிய உறுப்பினர் இணையப் போவதை அட்லி-பிரியா தம்பதி மிகவும் அழகிய மற்றும் கியூட்டான புகைப்படத்தைப் பகிர்ந்து தெரிவித்துள்ளனர்.
இவர்களுக்கு ஏற்கனவே மீர் (Meer) என்ற மகன் உள்ளார்.”மீர் இப்போது அண்ணனாகப் போகிறான்” என்ற தொனியில், குடும்பமாக இருக்கும் அழகான புகைப்படத்தை வெளியிட்டுள்ளனர்.இந்த அறிவிப்பு வெளியான சில நிமிடங்களிலேயே இணையத்தில் காட்டுத்தீயாய் பரவி, ரசிகர்களிடையே பெரும் வரவேற்பைப் பெற்றுள்ளது.
இந்த மகிழ்ச்சியான செய்தியைக் கேட்டவுடன், கோலிவுட் முதல் பாலிவுட் வரை பல்வேறு நட்சத்திரங்களும் தங்களது வாழ்த்துகளைத் தெரிவித்து வருகின்றனர்.
“வாழ்க்கை என்பது அன்பால் ஆனது, இப்போது எங்கள் அன்பு மேலும் வளரப்போகிறது” – அட்லி-பிரியா தம்பதி.
