ஏப்ரல் 30-ல் திரையரங்குகளில் ‘கர’: தனுஷ் ரசிகர்களுக்கு இரட்டை விருந்து!

மாசி 28, 2026 Published by Natarajan Karuppiah

வேல்ஸ் ஃபிலிம் இன்டர்நேஷனல் நிறுவனத்தின் தயாரிப்பில், ஐசரி கணேஷ் தயாரித்துள்ள இந்தப் படம் ஆரம்பத்தில் ‘D54’ என்று அழைக்கப்பட்டது. பொங்கல் திருநாளை முன்னிட்டு இப்படத்தின் தலைப்பு ‘கர’ என அறிவிக்கப்பட்டு, அதன் ஃபர்ஸ்ட் லுக் போஸ்டரும் வெளியாகி வைரலானது.

வேல்ஸ் பல்கலைக்கழகத்தில் நடைபெற்ற ‘நக்‌ஷத்ரா 2026’ கலை விழாவில் பங்கேற்ற தயாரிப்பாளர் ஐசரி கணேஷ், இந்தப் படத்தின் ரிலீஸ் தேதியை உறுதிப்படுத்தினார். அப்போது அவர் கூறுகையில்:

“தனுஷ் நடித்துள்ள ‘கர’ திரைப்படம் வரும் ஏப்ரல் 30-ஆம் தேதி திரையரங்குகளில் வெளியாகும். மேலும், தனுஷுடன் இணைந்து ‘வடசென்னை 2’ எடுப்பது எனது நீண்ட நாள் கனவு” என்று நெகிழ்ச்சியுடன் குறிப்பிட்டார்.

படத்தின் சிறப்பம்சங்கள்: இயக்கம்: ‘போர் தொழில்’ புகழ் விக்னேஷ் ராஜா.திரைக்கதை: விக்னேஷ் ராஜா மற்றும் ஆல்பிரட் பிரகாஷ் (இருவரும் இணைந்து ‘போர் தொழில்’ படத்திலும் பணியாற்றியவர்கள்). இசை: ஜி.வி. பிரகாஷ் குமார் (தனுஷ் – ஜி.வி. பிரகாஷ் கூட்டணி மீண்டும் ஒரு மேஜிக்கை உருவாக்கும் என எதிர்பார்க்கப்படுகிறது).ஒளிப்பதிவு: தேனி ஈஸ்வர்.வசனம்/வரிகள்: யுகபாரதி மற்றும் அசல் கோலார்.

Also Read:

தனுஷ் – ராஜ்குமார் பெரியசாமி கூட்டணியின் ‘D55’: சென்னையில் கோலாகலமாகத் தொடங்கும் படப்பிடிப்பு

இப்படத்தில் தனுஷிற்கு ஜோடியாக மலையாள நடிகை மமிதா பைஜு (பிரேமலு புகழ்) நடித்துள்ளார். மேலும் முக்கிய கதாபாத்திரங்களில்: ஜெயராம்,கே.எஸ். ரவிக்குமார், கருணாஸ், சுராஜ் வெஞ்சாரமூடு,எம்.எஸ். பாஸ்கர்.

சில நேரங்களில் ஆபத்தானவராக இருப்பதே உயிர் பிழைப்பதற்கான ஒரே வழி” (Sometimes staying dangerous is the only way to stay alive) என்ற வாசகத்துடன் வெளியான போஸ்டர், இது ஒரு தீவிரமான ஆக்ஷன் த்ரில்லர் என்பதைக் காட்டுகிறது. தனுஷ் இதில் ‘கரசாமமி’ என்ற பருத்தி விவசாயி கதாபாத்திரத்தில், அநீதிக்கு எதிராகப் போராடும் ஒரு வலிமையான நபராக நடித்துள்ளதாகத் தகவல்கள் தெரிவிக்கின்றன.