அமேசான் பிரைமில் ‘லீடர்’: ஓடிடி ரிலீஸ் தேதி அதிகாரப்பூர்வ அறிவிப்பு!
வைகாசி 26, 2026 Published by Natarajan Karuppiah
கடந்த 2022-ஆம் ஆண்டு வெளியான ‛லெஜெண்ட்’ திரைப்படத்தின் மூலம் தமிழ் சினிமாவில் கதாநாயகனாக அறிமுகமானவர் தொழிலதிபர் ‘லெஜண்ட்’ சரவணன். ஜே.டி.-ஜெர்ரி இயக்கத்தில் உருவான அந்தப் படத்தைத் தொடர்ந்து, இந்த ஆண்டு இவரது நடிப்பில் வெளியாகி கவனம் ஈர்த்த திரைப்படம் ‛லீடர்’.
இயக்குனர் துரை செந்தில்குமார் இயக்கத்தில் உருவான ‛லீடர்’ திரைப்படம், இந்த ஆண்டு ஏப்ரல் 3-ஆம் தேதி திரையரங்குகளில் வெளியானது. இந்தத் திரைப்படத்தில் லெஜண்ட் சரவணனுடன் இணைந்து ஷ்யாம், ஆண்ட்ரியா, சந்தோஷ் பிரதாப், பாயல் ராஜ்புட் உள்ளிட்ட பல முன்னணி நட்சத்திரங்கள் முக்கிய வேடங்களில் நடித்திருந்தனர்.
முழுக்க முழுக்க ஆக்ஷன் அதிரடிப் படமாக உருவான இந்தத் திரைப்படத்தில், லெஜண்ட் சரவணன் ஒரு பக்கா ஆக்ஷன் ஹீரோவாக தன்னை வெளிப்படுத்தியிருந்தார். ரசிகர்களிடையே இப்படம் கலவையான விமர்சனங்களைப் பெற்றது.
திரையரங்கு வெளியீட்டைத் தொடர்ந்து, இப்படம் மே 1-ஆம் தேதியே ஓடிடி தளத்தில் வெளியாகும் என்று முன்னதாக செய்திகள் வெளியாகி வந்தன. ஆனால், சில காரணங்களால் அதன் ஓடிடி ரிலீஸ் தள்ளிப்போனது.தற்போது ரசிகர்களின் காத்திருப்புக்கு விடை கிடைக்கும் வகையில், ‛லீடர்’ திரைப்படம் வருகிற மே 29-ஆம் தேதி அமேசான் பிரைம் வீடியோ (Amazon Prime Video) ஓடிடி தளத்தில் வெளியாகும் என படக்குழு அதிகாரப்பூர்வமாக அறிவித்துள்ளது. இது தொடர்பான புதிய போஸ்டர் ஒன்றையும் படக்குழுவினர் வெளியிட்டுள்ளனர்.
அமேசான் பிரைம் தளத்தில் இப்படம் ஒரே நேரத்தில் பல மொழி ரசிகர்களையும் சென்றடைய உள்ளது.
தமிழ்,தெலுங்கு,மலையாளம்,கன்னடம் ஆகிய நான்கு மொழிகளில் ‘லீடர்’ திரைப்படம் மே 29 முதல் ஸ்ட்ரீமிங் செய்யப்பட உள்ளது. திரையரங்குகளில் தவறவிட்டவர்கள் மற்றும் மீண்டும் பார்க்க விரும்பும் ரசிகர்கள் இந்த வார இறுதியில் ஓடிடியில் இப்படத்தைக் கண்டு ரசிக்கலாம்.
