‘ஆர்யன்’ படத்தின் OTT ரிலீஸ் அதிகாரப்பூர்வ அறிவிப்பு!
கார்த்திகை 24, 2025 Published by anbuselvid8bbe9c60f
‘வெண்ணிலா கபடிகுழு’, ‘ராட்சசன்’, ‘கட்டா குஸ்தி’ உள்ளிட்ட வெற்றிப் படங்களைத் தந்த நடிகரும் தயாரிப்பாளருமான விஷ்ணு விஷால் நடிப்பில் கடந்த மாதம் 31-ம் தேதி வெளியானது ‘ஆர்யன்’.
அறிமுக இயக்குநர் பிரவீன் இயக்கிய இப்படத்தில் ஷ்ரத்தா ஸ்ரீநாத், செல்வராகவன் ஆகியோர் முக்கிய கதாபாத்திரங்களில் நடித்திருந்தனர். சாம் சி.எஸ். இசையமைப்பில் விஷ்ணு விஷால் ஸ்டூடியோஸ் தயாரிப்பில் உருவான இப்படம் தமிழ், தெலுங்கு, மலையாளம், கன்னடம், இந்தி என 5 மொழிகளில் ஒரே நாளில் திரைக்கு வந்தது.
திரையரங்குகளில் எதிர்பார்த்த வரவேற்பைப் பெறாத ‘ஆர்யன்’ கலவை விமர்சனங்களையே பெற்ற நிலையில், இப்போது OTT ரசிகர்களுக்கான முக்கிய அப்டேட் வெளியாகியுள்ளது.
‘ஆர்யன்’ வருகிற நவம்பர் 28-ம் தேதி முதல் உலகம் முழுவதும் நெட்ஃபிளிக்ஸ் தளத்தில் ஸ்ட்ரீமிங் ஆரம்பிக்கிறது என்று படக்குழு அதிகாரப்பூர்வமாக அறிவித்துள்ளது.
5 மொழிகளிலும் ஒரே நாளில் நெட்ஃபிளிக்ஸில் காணக் கிடைக்கும் என்பதால், திரையரங்கில் படத்தைத் தவறவிட்ட ரசிகர்கள் இப்போது வீட்டிலிருந்தபடியே ரசிக்கலாம்!
