பிரியங்கா மோகன் ரெட்ரோ லுக் வைரல்! ‘666 ஆபரேஷன் ட்ரீம் தியேட்டர்’ ஃபர்ஸ்ட் லுக் போஸ்டர் வெளியீடு

நடிகை பிரியங்கா அருள் மோகன் (பிரியங்கா மோகன்), கன்னட சினிமாவில் அறிமுகமானவர். தமிழில் ‘டாக்டர்’, ‘டான்’, ‘எதற்கும் துணிந்தவன்’, ‘கேப்டன் மில்லர்’ உள்ளிட்ட படங்களில் நடித்து பிரபலமான இவர், சமீபத்தில் பவன் கல்யாண் நடிப்பில் வெளியான ‘They Call Him OG’ படத்தில் நடித்திருந்தார். தற்போது மீண்டும் கன்னடத்தில் கம்பேக் கொடுக்கிறார்.

ஹேமந்த் எம். ராவ் இயக்கத்தில் உருவாகும் ‘666 ஆபரேஷன் ட்ரீம் தியேட்டர்‘ படத்தில் பிரியங்கா மோகன் முக்கிய கதாபாத்திரத்தில் நடிக்கிறார். இப்படத்தில் கன்னட சூப்பர்ஸ்டார் டாக்டர் ஷிவராஜ்குமார் மற்றும் டாலி தனஞ்சயா ஆகியோர் முன்னணி வேடங்களில் நடிக்கின்றனர். வைஷக் ஜே பிலிம்ஸ் தயாரிப்பில் உருவாகும் இப்படம், 1970-80களின் ரெட்ரோ ஸ்டைல் கொண்ட ஃபேண்டஸி த்ரில்லர் என விவரிக்கப்படுகிறது. உளவுத்துறை, மர்மம், பீரியட் டிராமா கலந்த பான்-இந்தியன் திரைப்படமாக உருவாகி வருகிறது.

சமீபத்தில் (டிசம்பர் 27, 2025) வெளியான பிரியங்கா மோகனின் ஃபர்ஸ்ட் லுக் போஸ்டர்கள் இணையத்தில் பெரும் வரவேற்பை பெற்றுள்ளன. ரெட்ரோ உடை, பூக்கள், முத்து நகைகள், கையுறை, பெரிய தொப்பி என விண்டேஜ் ஸ்டைலில் அவர் தோன்றி ரசிகர்களை கவர்ந்துள்ளார். இப்படத்தில் முற்றிலும் வித்தியாசமான, வலுவான கதாபாத்திரத்தில் நடிப்பதாக படக்குழு தெரிவித்துள்ளது.

படத்தின் படப்பிடிப்பு ஏற்கனவே மூன்று ஷெட்யூல்கள் நிறைவடைந்துள்ள நிலையில், 2026-ல் வெளியாகும் என எதிர்பார்க்கப்படுகிறது. பிரியங்கா மோகனின் இந்த ரெட்ரோ அவதாரம் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது!