SK25 ‘பராசக்தி’ டப்பிங் ஸ்டார்ட் – சுதா கொங்கரா மேஜிக் பொங்கலுக்கு ரெடி!
மார்கழி 1, 2025 Published by anbuselvid8bbe9c60f
சிவகார்த்திகேயனின் 25-வது படமான ‘பராசக்தி’ படத்தின் டப்பிங் பணிகள் அதிகாரப்பூர்வமாகத் தொடங்கிவிட்டன!
‘மாவீரன்’, ‘அமரன்’, ‘மதராஸி’ எனத் தொடர்ச்சியாக வெற்றிப்படங்களைக் கொடுத்த சிவகார்த்திகேயன், இம்முறை ‘சூரரைப் போற்று’ படத்தை இயக்கிய சுதா கொங்கராவுடன் இணைந்திருக்கிறார். அதர்வா, ரவி மோகன், ஸ்ரீலீலா, பிரகாஷ் ராஜ் உள்ளிட்ட பெரிய ஸ்டார் காஸ்ட்டுடன் உருவாகியிருக்கும் இப்படம், ஜி.வி. பிரகாஷ் குமாரின் 100-வது படமாகவும், டான் பிக்சர்ஸ் சார்பில் ஆகாஷ் பாஸ்கரன் தயாரிப்பிலும் உருவாகியுள்ளது.
ஏற்கெனவே வெளியான ‘அடியே அலை’ மற்றும் ‘ரத்தினமாலா’ பாடல்கள் ரசிகர்களிடையே பெரும் வரவேற்பைப் பெற்ற நிலையில், படக்குழு இன்று சிவகார்த்திகேயன் டப்பிங் ஸ்டுடியோவில் பேச ஆரம்பிப்பதை வீடியோவாக வெளியிட்டுள்ளது.
அந்த வீடியோவில் சிவகார்த்திகேயன், “இது என் 25-வது படம்… சுதா மேடத்தோட முதல் கூட்டணி… பொங்கலுக்கு உங்களைச் சந்திக்கத் தயார்!” என உற்சாகமாகப் பேசியிருக்கிறார்.
2026 பொங்கல் (ஜனவரி 14) அன்று உலகம் முழுவதும் திரையரங்குகளில் வெளியாகவிருக்கும் ‘பராசக்தி’, சிவகார்த்திகேயனின் கேரியரில் மிகப் பெரிய பொங்கல் வெடியாக வெடிக்கக் காத்திருக்கிறது!
