மெலோடி கிங் தமனின் மேஜிக்: ‘இதயம் முரளி’ படத்தின் “தங்கமே தங்கமே” பாடல் நாளை வெளியீடு!
தை 27, 2026 Published by Natarajan Karuppiah
நடிகர் அதர்வா முரளி நடிப்பில் உருவெடுத்து வரும் திரைப்படம் ‘இதயம் முரளி’. மறைந்த பழம்பெரும் நடிகர் முரளியின் நினைவாகவும், அவரது சூப்பர் ஹிட் படமான ‘இதயம்’ தலைப்பைத் தழுவியும் பெயரிடப்பட்டுள்ள இந்தப் படத்தின் மீது ரசிகர்களுக்குப் பெரும் எதிர்பார்ப்பு நிலவி வருகிறது.
இந்நிலையில், படத்தின் மெலோடி விருந்தாக அமையவுள்ள இரண்டாவது சிங்கிள் “தங்கமே தங்கமே” வரும் ஜனவரி 28-ஆம் தேதி வெளியாகிறது.
இசையமைப்பாளர் எஸ். தமன் இந்தப் படத்திற்கு இசையமைக்கிறார். ஏற்கனவே வெளியான “இதயா” பாடல் ரசிகர்களிடம் நல்ல வரவேற்பைப் பெற்ற நிலையில், இந்த இரண்டாவது பாடல் காதலர்களின் ஃபேவரிட் லிஸ்டில் இணையும் என்று எதிர்பார்க்கப்படுகிறது. நீண்ட இடைவெளிக்குப் பிறகு தமன் இந்தப் படத்தில் ஒரு முக்கியமான கதாபாத்திரத்தில் நடித்துள்ளார் என்பதும் குறிப்பிடத்தக்கது.
படத்தின் சிறப்பம்சங்கள்
இயக்கம்: ஆகாஷ் பாஸ்கரன்.
நட்சத்திரப் பட்டாளம்: அதர்வாவுடன் இணைந்து பிரீத்தி முகுந்தன், கயாடு லோஹர், நட்டி நட்ராஜ், ரக்சன் மற்றும் நிஹாரிகா என்.எம் ஆகியோர் நடித்துள்ளனர்.
தயாரிப்பு: டான் பிக்சர்ஸ் (Dawn Pictures).
ஒரு அழகான காதல் கதையாக உருவாகியுள்ள ‘இதயம் முரளி’, வரும் பிப்ரவரி மாதம் காதலர் தினத்தை முன்னிட்டு திரைக்கு வரத் தயாராகி வருகிறது.
