ரம்யா வீட்டுத் தலைவியானார்! – ஆதிரை வைல்டு கார்டு என்ட்ரி – ஷாக் கொடுத்த அதே நாளில் இன்றைய புரொமோ ஹைலைட்ஸ் !

பிக் பாஸ் தமிழ் சீசன் 9 தற்போது 8 வாரங்களை வெற்றிகரமாக கடந்து 9-வது வாரத்தில் அமோகமாக சென்று கொண்டிருக்கிறது. 20 போட்டியாளர்களுடன் தொடங்கிய இந்த சீசனில் இதுவரை 9 பேர் எவிக்ஷன் மூலம் வெளியேறியுள்ள நிலையில், தற்போது ஹவுஸில் 11 போட்டியாளர்கள் + வைல்டு கார்டு என்ட்ரியுடன் மொத்தம் 12 பேர் இருக்கின்றனர்.

கடந்த வீக்கெண்ட் எபிசோடில் டபுள் எவிக்ஷன் நடக்கும் என பரவலாக எதிர்பார்க்கப்பட்ட நிலையில், பிக் பாஸ் அவர்களே “இந்த வாரம் எவிக்ஷன் இல்லை” என அதிகாரப்பூர்வமாக அறிவித்தார். இதனால் குறைந்த வாக்குகளைப் பெற்றிருந்த ரம்யா மற்றும் வியானா ஆகியோர் தப்பித்துக்கொண்டனர்.

இதற்கிடையில் பெரிய ட்விஸ்ட் ஒன்று நேற்று (நவம்பர் 30) நிகழ்ந்தது. சீசனின் 21-வது நாளில் எவிக்ட் ஆகி வெளியேறிய ஆதிரை, வைல்டு கார்டு என்ட்ரியாக மீண்டும் பிக் பாஸ் வீட்டிற்கு திரும்பினார்! ஆதிரையின் திடீர் என்ட்ரியால் ஹவுஸ்மேட்ஸ் அனைவரும் ஆச்சரியமும் மகிழ்ச்சியும் அடைந்த நிலையில், FJ மற்றும் வியானாவும் மட்டும் புருவங்களை உயர்த்தி அதிர்ச்சி அடைந்தது கவனிக்கத்தக்கதாக இருந்தது.

இந்நிலையில் இன்று (டிசம்பர் 1) காலை வெளியான முதல் புரொமோவில் இந்த வாரத்திற்கான வீட்டுத் தலைவர் டாஸ்க் (House Captain Task) களைகட்டியிருக்கிறது. அந்த டாஸ்கில் ரம்யா அபார வெற்றி பெற்றார்.

பிக் பாஸ் அவர்களே புரொமோவில், “வாழ்த்துகள் ரம்யா… இந்த வாரத்திற்கான பிக் பாஸ் வீட்டுத் தலைவி நீங்கள் தான்!”

என அறிவிக்க, ரம்யா கண்கலங்க நெகிழ்ச்சியடைந்த காட்சிகள் ரசிகர்களை உருக்கமாக்கியுள்ளன.

ஆதிரையின் அதிரடி திரும்புதல் + ரம்யாவின் வீட்டுத் தலைவர் பதவி – இந்த வாரம் பிக் பாஸ் ஹவுஸ் மீண்டும் புயலாக மாறப்போகிறது என்பதில் சந்தேகமில்லை!