விரைவில் ‘வருத்தப்படாத வாலிபர் சங்கம் 2’ உறுதி! – இயக்குநர் பொன்ராம் உற்சாக அறிவிப்பு
December 12, 2025 Published by anbuselvid8bbe9c60f
தமிழ் சினிமா ரசிகர்களுக்கு மிகப் பெரிய குட் நியூஸ்! சிவகார்த்திகேயன் – பொன்ராம் காம்போவின் மாபெரும் வெற்றிப்படமான ‘வருத்தப்படாத வாலிபர் சங்கம்’ பாகம் 2 விரைவில் தொடங்க உள்ளது என்று இயக்குநர் பொன்ராம் அதிகாரப்பூர்வமாக உறுதி செய்துள்ளார்.
சரத்குமார், சண்முக பாண்டியன் நடிப்பில் பொன்ராம் இயக்கி வரும் ‘கொம்புசீவி’ படத்தின் புரமோஷன் பேட்டியில்தான் இந்த சூப்பர் தகவலை அவர் வெளியிட்டுள்ளார்.
பொன்ராம் கூறியதாவது: “‘வருத்தப்படாத வாலிபர் சங்கம் 2’-வுக்கான கதை முழுமையாக ரெடியாக இருக்கு. சிவகார்த்திகேயனின் தற்போதைய வளர்ச்சியையும், ஸ்டார்டமையும் கருத்தில் கொண்டு கதையில் சில மாற்றங்களைச் செய்து வருகிறேன். எல்லாம் தயாரானதும் சிவகார்த்திகேயனிடம் சொல்லி அவர் ஒப்புக்கொண்டால் உடனே படத்தை ஆன் செய்வோம். இது நிச்சயம் நடக்கும்!”
மேலும், “அடுத்ததாக ஒரு முழு காமெடி படத்தையும் தயார் செய்து வருகிறேன். அதன் அறிவிப்பு விரைவில் வெளியாகும்” என்றும் தெரிவித்துள்ளார்.
பொன்ராம் – சிவகார்த்திகேயன் கூட்டணி முன்னதாக
- வருத்தப்படாத வாலிபர் சங்கம்
- ரஜினிமுருகன்
- சீமராஜா
என்று மூன்று படங்களை இணைந்து கொடுத்தது. இதில் முதல் இரண்டும் மதுரை பேக்ரவுண்டில் அமைந்த கிராமத்து காமெடி படங்கள் என்று ரசிகர்களால் இன்றும் கொண்டாடப்படுபவை.
இப்போது அதே ‘வருத்தப்படாத வாலிபர் சங்கம்’ உலகத்துக்கு சீக்கிரம் திரும்ப வருவதாக பொன்ராம் சொல்லி இருப்பதால், சிவகார்த்திகேயன் ரசிகர்கள் முதல் தமிழ் சினிமா ரசிகர்கள் வரை பெரும் உற்சாகத்தில் ஆழ்ந்துள்ளனர்.
‘கொம்புசீவி’ டிசம்பர் 19-ல் ரிலீஸ்… அதற்குப் பிறகு ‘வருத்தப்படாத வாலிபர் சங்கம் 2’ தொடக்கம் என எதிர்பார்க்கப்படுகிறது.
சிவகார்த்திகேயன் – பொன்ராம் காம்போ திரும்ப வருது… மதுரை சென்டிமென்ட் மீண்டும் வெற்றி பெற போகுது!
